Slæmur dagur

Erfiðasti tími í lífi nýrnasjúklngs er þegar lengst er milli skiljana, en nú hef ég tvo daga á milli frá laugardegi til þriðjudags og þýðir það því að ég má drekka minni vökva en áður.  Ég fann það á líkama mínum þegar ég vaknaði í morgun, eftir slæma svefnnótt, að ég var kominn með mikinn vökva á mig, enda pissa ég orðið lítið.  Ég reyndi þó mitt besta og fór í vinnuna og þegar ég borðaði hádegismatinn kom reiðarslagið á líkamann.  Ég drakk lítið með matnum en maturinn gerði mig þrútinn á kvið og það virtist þrengja að lungum og fleiri líffærum öllum vökvanum og ég náði varla andanum.  Ég gat lítið annð gert en að finna mér góða svefnstellingu í lazy boy stólnum(þökk sé guði fyrir hann) og endaði með því að ég svaf fram að fréttum, frá hádegi!!! og þegar ég vaknaði leið mér enn verr, er nú kominn með verki í alla vöðva og er eins og ég sé kominn nokkra mánuði á leið sökum þess hve þrútinn kviðurinn er.  Er búinn að koma mér fyrir 45 gráðu halla í rúminu og vona að það dugi fyrir svefninn, nú annars er það bara að sofa í góða stólnum.  Nýr dagur, betri líðan segji ég nú orðið, en ég veit að eftir skiljun verð ég betri en samt mjög þreyttu.  Krossið fingur með mér að lífið verði auðveldara á morgun, því ég þarfnast þess að líða betur.

Kveðja sá nýrnabilaði.

Athugasemdir

[Einar Lee, 4.10.2011 kl. 01:31]

Verðum bara að muna að þetta lagast allt einn daginn og með þolinmæði og þrautseigju koumst við í gegnum svona erfiðleika.  Eftir mörg meiriháttar áföll hef ég lært að standa upp og halda áfram, því lífið er þess virði að lifa fyrir.  Við megum ekki gefast upp þó á móti blási og ég veit að það er ekki alltaf hægt að vera jákvæður en reynum þó að vera það á góðu dögunum okkar og þrátt fyrir slæma daga, muna að það eru þeir góðu sem halda í okkur lífsandanum og því stefna á að eiga marga svoleiðis, svona eftir getu okkar.