Fækkum félögum og málið er dautt.

Kannski er það vitleysa í mér en manni finnst bara vera orðið of mikið af íþróttafélögum, og því erfiður róður fyrir minni félögin að nálgast fjármagn.  Lottópeningarnir ættu að renna bara til minni félaga þar til sameining næst og fækkun félaga verður að veruleika.  Staðreyndin er nefnilega að þeim mun fleiri félög, þeim mun meiri rekstrarkostnaður og illa nýtt aðstaða félaganna.

Svo má heldur ekki líta framhjá einu og það er að til íþrótta-og æskulýðsmála renna rúmir 6 milljarðar af fjárlögum og þar af fer aðeins rúmur einn í æskulýðsmálin.  Það þýðir að rétt um 5 milljarðar fara í íþróttamál frá ríkinu á hverju ári og þá eru undanskilin sveitarfélögin og hvað þau leggja til málaflokksins. Fækkum því félögum og minnkum yfirbyggingu þeirra og þá kannski gefast meiri peningar í málefnið sjálft en ekki stjórnun.

Barist um lottópeningana

Athugasemdir

[Snorri Örn Arnaldsson, 21.11.2007 kl. 20:56]

Ekki veit ég hvaðan þú hefur þessar tölur um sex milljarða, en ef fjárlög ársins 2007 eru skoðuð, þá eru tölurnar miklu mun lægri, eða um 420 milljónir fyrir íþróttamál og um 180 milljónir fyrir æskulýðsmál.  Fjármunir sem renna til íþrótta eru litlir í samanburði við margt annað, því það er óyggjandi að íþróttir hafa gríðarlegt forvarnargildi.

[Einar Lee, 22.11.2007 kl. 12:28]

Ertu þá að tala um fjáraukalögin, því þetta eru tölur sem ég fékk er ég sat í Askulýðsráði ríkisins á sl. ári.  Einnig geturðu séð tölur fyrir hvað Rvíkurborg er að setja í sama málflokk og það telur einnig nokkra milljarða.

[Snorri Örn Arnaldsson, 23.11.2007 kl. 10:44]

Nei, ekki fjáraukalög heldur fjárlög.  Þetta er hægt að sjá hér, ef þú flettir niður og skoðar því sem veitt er til íþrótta- og æskulýðsmála.  Þeir fjármunir sem t.d. Reykjavíkurborg veitir í sama málaflokk fer mest í rekstur íþróttamannvirkja.  Litlir sem engir rekstrarstyrkir eru veittir til íþróttafélaga eða sérsambanda hér á landi og eru félög því rekin nánast alveg fyrir sjálfsaflafé.