Undirbúningur fyrir aðgerð

Jæja gott fólk, þá er að koma að þessu, en undirbúningur fyrir aðgerðina hefst á morgun.

Þetta byrjar allt á því að ég er rakaður frá hvirfli til ilja.  Verð eins og kona á leið á djammið, verð svo vel rakaður.  Meira að segja þá raka þeir á manni aðra rasskinnina því það er sett járnplata undir mann í aðgerðinni til að maður fái ekki óþarfa rafmagnsstuð á meðan á aðgerðinni stendur.

Aðgerðarmorguninn hefst á sótthreinsun og svo fæ ég slakandi og morfín og þar með er ég orðinn útúr heiminum.  Eins gott því þá verða tengdar margar slöngur og kranar og ég settur í öndunarvél.  

Eftir aðgerðina verð ég heilann sólarhring eða meira á gjörgæslu og allt fer það eftir því hvernig mé líður.  Ekki má heimsækja mig fyrir en á fimmtudaginn og þá stutt í einu, en vonandi verð ég fljótur að ná áttum og jafna mig og verð ég vonandi kominn á fullt skrið eftir viku.

Krossleggjum nú fingur, og vonum að batinn verði skjótur, því ég ætla mér að njóta sumarsins undir berum himni.

Bæ í bili. 

Athugasemdir

[Jóhann Páll Símonarson, 4.5.2008 kl. 14:11]

Heill og sæll Einar.

Gangi þér allt í haginn megi guð og gæfa vera með þér.

Jóhann Páll Símonarson

[Sigurbjörg Guðleif, 4.5.2008 kl. 14:39]

Hæ Einar. Vona að allt gangi vel. Þú ert greinilega  heppin að eiga góða að. Guð geymi þig.

[Guðlaug Bára (IP-tala skráð) 4.5.2008 kl. 18:20]

Sæll Einar

Ég vona að þetta gangi allt vel hjá þér og ég sendi þér góða strauma. Ég fylgist með.

 Knús Gulla

[Kristinn (IP-tala skráð) 4.5.2008 kl. 20:18]

Farnist þér sem allra best Einar. Vonandi mætir þú sem fyrst öflugur í félagsstarfið.

Bestu kveðjur,
Kristinn

[svavar hlöllahlúnkur (IP-tala skráð) 4.5.2008 kl. 23:45]

einar minn svavar á hlölla hérna, óska þér góðs gengis og vona að þú komir sem fyrst á fáir þér hlölla, lofa að setja mjöööög lítið majones:)

[Lilja (IP-tala skráð) 5.5.2008 kl. 09:06]

Gangi þér vel í dag ást!

Vona að þú finnir hita í hvert skipti sem ég sendi þér góðar og fallegar hugsanir..

Knús og kossar 

[Ásdis Runólfsdóttir (IP-tala skráð) 5.5.2008 kl. 16:36]

Sæll Einar minn við fjölskyldan hans Heiðars Márs sendum þer okkar innilegustu kveðjur og við verðum hjá þer í huganum á morgun þú ert mikil hetja og baráttustrákur og verður ekki lengi að komast á fætur aftur það er þinn stíll . Guð veri með þer elskan.  kveðja Ásdís og fjölsk.

[Júlía og Villi (IP-tala skráð) 5.5.2008 kl. 17:33]

Knús og kossar hlakka til að kíkja á þig eftir aðgerðina ;o)