Kata skrifar

Nú er ég komin út til Danmerkur aftur, þannig að ég er bara í símasambandi við töffarann.  En ég skildi við hann í hægindastólnum sem hann er búin að eigna sér þarna í setustofunni á deildinni. Hann er sem sagt búin að sýna ótrúlegar framfarir og þetta er allt að koma hjá honum.  Læknarnir eru að fylgjast með vökvasöfnun í kringum lungun og í fótunum hjá honum. Einnig er verið að fylgjast vel með skurðunum á fætinum á honum, því það þarf að gróa vel saman, en það getur oft verið vandamál hjá sykursjúkum.   Hann talaði um það í dag að hann fengi kannski helgarleyfi um helgina og kæmist þá aðeins út af spítalanum, enda hundleiðist honum þarna. En hann verður kannski útskrifaður í næstu viku og fer þá til mömmu sinnar, því hún ætlar að hugsa um hann í nokkrar vikur, þangað til hann fer inn á Reykjarlund í endurhæfingu.. . . . en já þetta gengur bara eins og í sögu, þetta er erfitt en það sagði enginn að þetta yrði auðvelt, en hann lætur þetta ekkert stoppa sig og er mjög jákvæður á áframhaldið,  hann verður bara að vera þolinmóður, þótt að það sé hundleiðinlegt að hanga inn á spítala 

Enda sagði læknirinn að hann væri nú eins og 8 sílendra Buick með nýja vél sem þyrfti aðeins að keyra til áður en maður færi með hann á götuna :)

Hann biður innilega að heilsa öllum þeim sem fylgjast með honum hérna og vonandi fer hann að komast í tölvu kallinn svo að hann geti farið að blogga sjálfur. . . . .það er ekki hægt að setja upp stækkunarbúnaðínn í tölvurnar á spítalanum og því kemst hann ekkert á netið.

Athugasemdir

[Guðrún B. (IP-tala skráð) 15.5.2008 kl. 00:47]

Gott að heyra frá þér Kata mín. Ég er svo glöð að heyra það að hann er á batavegi kallinn.  Enda bjóst ég svosem ekki við öðru.

Ég er símalaus og vitlaus, þannig að ég hef ekki hringt á hann ennþá, var að flytja og færa allt draslið, þannig að ég er ekki komin með símann í gang.  En skilaðu kveðju til hans frá mér, og segðu honum að mér þykir vænt um hann.

[kata (IP-tala skráð) 15.5.2008 kl. 07:17]

Ég skal gerra það dúllan mín :)

[Bjarni Kjartansson, 15.5.2008 kl. 09:16]

Gangi þér vel með loka hnykkinn á náminu þínu. 

Hlakka til að hitta þig vina.

Þakka fréttirnar af gaurnum.

mbk

BK

[Sigurbjörg Guðleif, 15.5.2008 kl. 15:12]

Er eitthvað mikið mál að setja upp svona stækkuanrbúnað á tölvuna fyrir hann á spítalanum??? Já gott að hann hefur það gott.

[Guðrún B. (IP-tala skráð) 16.5.2008 kl. 01:26]

Já Sigurbjörg, þetta er víst mál.   Þetta er heldur ekki neinn smá búnaður, og ég er ekki viss um að spítalinn sé til í að borga fyrir þetta. Því miður.

[Sigurbjörg Guðleif, 16.5.2008 kl. 14:04]

Maður gerir sér ekki grein fyrir mikilvægi svona aukabúnaðar fyrir þá sem þurfa á þeim að halda. Skrítið að spítalinn eigi eikki svona  búnað, eða hvað??

[kata (IP-tala skráð) 16.5.2008 kl. 15:20]

Hann er með diskinn með forritinu. . . .en starfsfólkið á deildinni nennir bara ekkert að spá í þessu og leggja sig fram við að redda þessu . . . . . þannig er nú það bara