Mikilvægt málefni

Flott mál að SÞ skuli gera þennan dag að viðurkenndum degi sykursjúkra.

Sykursýki er orðið alvarlegt heilbrigðisvandamál og fer vaxandi sem slíkt.  Fylgikvillar teljast ekki fáir, flest líffæri verða fyrir einhverskonar skaða hjá fólki með sykursýki, og í okkar hraða heimi með meira og meira af skyndifæði er erfiðara og erfiðara fyrir fólk að stjórna blóðsykri sínum.

Eins og flestir vita kannski er ég sjálfur með sykursýki og hef orðið fyrir nokkrum fylgikvillanna.  Einnig þekki ég nokkra aðra sykursjúklinga sem hafa lent í skakkaföllum út af sykursýkinni og getum við flest sagt ykkur að það er ekki auðvelt að lifa með þessum sjúkdómi.  Maður reynir, fer í að svindla og hugsar með sér, "Ég lendi ekki í neinum fylgikvillanna fyrr en á efri árum", en raunin er önnur.  Ég missti sjónina 28 ára.  Ég missti vinkonu mína 23 ára, en hún var þá orðin mjög veik af völdum nýrnabilunar og fleiri fylgikvilla.

Þið sem þetta lesið megið koma þeim boðskap á framfæri til ungs fólks með sykursýki að fylgikvillarnir koma mun fljótar en maður heldur og eru alvarlegir, en ekki smávægilegir.  Ég hef reynt að koma því að hjá Samtökum Sykursjúkra að halda fundi með unga fólkinu og sýna þeim fram á beinar afleiðingar sjúkdómsins, en tala fyrir daufum eyrum enda eru þessi samtök skúffufyrirtæki, en ekki hagsmundafélag.

Lifið heil.

Höfði blár í þágu sykursjúkra

Athugasemdir

[Bjarki Hilmarsson (IP-tala skráð) 14.11.2007 kl. 17:08]

Þarna er ég sammála þér, það mætti alveg eins leggja þessi sykursýkis samtök niður!  Ég er búinn að vera með sykursýki í 23 ár og man aldrei eftir því að þau hafi gert eitthvað til hagsbóta fyrir mann

[Guðrún B. (IP-tala skráð) 16.11.2007 kl. 00:48]

Já það er svakalegt þegar svona fyrirtæki gera svona.  Ég meina, Einar, þú ert pörfekkt dæmi fyrir þá til að senda á skóla og krakka til að sýna þeim afleiðingar gjörða sinna.  Það er bara þannig.  Ég er búin að þekkja þig svo lengi, bæði fyrir og eftir fylgikvilla og ég verð að segja að meira að segja mér brá.