Framhaldið af aðgerðinni

10.7.2008 | 21:05

Framhaldið hjá mér eftir aðgerð var að fara í endurhæfingu á Reykjalundi fjórum til sex vikum eftir aðgerðina. Þetta hefur dregist örlítið en nú er komin niðurstaða og fer ég þangað í miðjum ágúst, og er ég sáttur við það. Í millitíðinni hef ég fengið leyfi til að byrja að vinnna aftur og hef ég störf þann 21. þessa mánaðar og er mig farið að hlakka verulega til. Það er nefnilega ekkert gaman til lengdar að gera ekki neitt skal ég sko segja ykkur. Tanaður í drasl og vel afslappaður þessa daga þó og það er fínt.

Kata er á leið norður að hefja störf á sjúkrahúsinu þar og verð ég bara að vera duglegur í heimsóknum norður til hennar. Vonandi að henni gangi bara vel að fóta sig þarna því svo er stefnan hjá henni tekin á masterinn eftir ca. tvö ár. Gangi þér frábærlega elskan..... síminn heldur áfram að vera okkar aðal samskiptatæki dúlla.

Annars er bara allt fínt að frétta af mér og lífið orðið frábært á ný eftir þessa aðgerðalotu. Þrekið allt orðið helmingi skárra en fyrir aðgerð og líkaminn á mér alllur stórum betri en fyrir mánuði síðan. Tel að eftir endurhæfinguna verði ég eins og nýr maður. Svo hef ég náttúrulega ekki reykt í tæpar tíu vikur, sem er afrek út af fyrir sig held ég. Krossa bara fingur og vona að þetta haldi ágram að ganga svona vel hjá mér.

Adios í bili elskur, meira í næstu viku.

Flokkur: Bloggar | Facebook